OEK: Pagat për sektorin privat të subvencionohen deri në gusht

OEK: Pagat për sektorin privat të subvencionohen deri në gusht

Kryetari i Odës Ekonomike të Kosovës, Berat Rukiqi, theksoi se 67 ditë kanë kaluar që nga fillimi i masave kufizuese për parandalimin e COVID-19, ndërsa ka bërë të ditur se prej 1 qershorit pritet të fillojnë punën mbi 95 për qind e bizneseve aktive në vend.

Gjatë kohës së masave kufizuese deri më 4 maj , mbi 40 për qind e bizneseve aktive kanë qenë të mbyllura. Rukiqi theksoi se këto 67 ditë kanë qenë në kohën e pandemisë, kanë qenë ditët më të vështira për bizneset që nga pas lufta.

Sipas tij, në të gjitha hulumtimet është konstatuar që mbi 60 për qind e bizneseve ndihen të rrezikuara, nëse nuk merren masa adekuate të përkrahjes.

Pakoja emergjente për bizneset, sipas Rukiqit, fatkeqësisht është duke u implementuar ngadalë, dhe asnjë masë deri tash nuk është zbatuar në tërësi, as për qiratë.


Ndërsa për rrugën drejt rimëkëmbjes ekonomike, Rukiqi tha se është shumë me rëndësi që të implementohet tërësisht masa që ka të bëjë me subvencionimin e pagave për muajin prill dhe maj, dhe e njëjta të vazhdojë së paku deri më 31 gusht, e po ashtu edhe masa për qiratë të vazhdojë deri në këtë datë.

 

 

 

 

Lexo edhe

error: