Drejtori i Institutit për Studimin e Kërcënimeve Hibride “Octopus”, Agim Musliu, ka publikuar një video ku tregohet se si serbët e Kosovës lartësojnë Rusinë.

Në këtë video, shfaqen pamjet se si nga Manastiri i Draganacit që gjendet në Kosovë, serbët me këngë çetnike, bëjnë thirrje për pushtimin e Kosovës.

"Kështu lavdërohet Rusia nga serbët në kishat ortodokse në Kosovë! Ndër të tjera kjo këngë bën thirrje edhe për pushtim të Kosovës!", shkruan Musliu në rrjetin social X.

https://twitter.com/agim_musliu/status/1696520551282720833?fbclid=IwAR2KkcqhwPK66UCk1rBeAmyh7I9ObdUbH0DNoMh-_6u7mEdqc5GSz0gBdbs

Grafitët “Kur ushtria të kthehet në Kosovë” janë shfaqur në fund të korrikut në disa lokacione në Beograd, ku nën këtë mesazh është vizatuar flamuri i Serbisë dhe ai i Rusisë.

Jo vetëm në Beograd dhe qytete të tjera të Serbisë, por edhe në Rusi ishin shfaqur këto grafite luftënxitëse.

Ditë më parë, ky institut kishte sqaruar se kush është neo-nazisti gjerman Maik Muller, i cili përdoret nga Kisha Ortodokse Serbe për të propaganduar kundër Kosovës.

“Muller është udhëheqës i organizatës ‘Europäische Solidaritätsfront für Kosovo’, e njohur zyrtarisht për veprimtari humanitare që në Gjermani dhe vendet gjermanofolëse merret me ndikim politik, kundër demokracisë liberale perëndimore dhe NATO-s dhe SHBA-së. Muller u konvertua në Kishën Ortodokse Serbe në vitin 2016”, thuhet në përshkrimin e institutit.

Aty thuhet se aktiviteti më i madh i Mullerit në mediat sociale është propaganda anti-NATO dhe pro-serbe.