Aktivitetet e Ministrisë së Drejtësisë në kuadër të fushatës "16 Ditët e aktivizmit kundër dhunës me bazë gjinore":
-Tryezë diskutimi: Trajtimi institucional i rasteve të dhunës në familje. (Hotel “Astoria”, Gjilan, ora 9:30)-Diskutim “E drejta e grave në trashëgimi”. (Biblioteka Kombëtare Prishtinë, ora 11:00)
-Lansohen tri modulet e reja të integruara në data-bazën për evidentimin e rasteve të dhunës në familje. (Ministria e Drejtësisë, amfiteatri, Prishtinë, ora 15:00)Prokuroria Speciale e Republikës së Kosovës mban konferencë për media, lidhur me ngritjen e aktakuzave për krime të luftës. (Prokuroria Speciale, kati 6, rruga “Luan Haradinaj”, Prishtinë, ora 10:00)
Komisioni për të Drejtat e Njeriut mban takimin me rendin e ditës: “Roli i institucioneve të Republikës së Kosovës, në parandalimin dhe luftimin e rasteve të dhunës në baza gjinore dhe dhunës në familje, të arriturat dhe sfidat”. (Kuvendi i Kosovës, salla N-506, ora 10:00)
Gjykata Kushtetuese hap dyert për qytetarët në Ditën Ndërkombëtare të të Drejtave të Njeriut - “Dita e Gjykatës së Hapur”. (Gjykata Kushtetuese, Prishtinë, ora 10:00-14:00)
Lidhja Demokratike e Kosovës (LDK) mban konferencë për medie. (Selia qendrore e LDK-së, Prishtinë, ora 11:00)
Në kuadër të platformës “Klubi Social i Mitrovicës”, organizatat e shoqërisë civile AKTIV dhe ACDC mbajnë debat për mbrojtjen e të drejtave të njeriut në mjedis sfidues. (Qendra për Energji Qytetare, Mitrovicë e Veriut, ora 11:00)
Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për organizimin e tregut për produktet bujqësore dhe atë për ndryshime klimatike. (Kuvendi i Kosovës, salla N-302, ora 14:00)
Bëhet hapja solemne e Albi Mall në Gjilan. (Ora 16:00) Albi Mall do të jetë i hapur nga ora 18:00 për vizitorët dhe do të ketë një koncert nga Yll Limani. (Rruga “Lufta e Gjilanit”, numër 44, përballë Agnia Center)