Mbahet mbledhja e rregullt e Kuvendit të Komunës së Rahovecit. (Salla e mbledhjeve, ora 10:00)

Mbahet mbledhja e Kuvendit të Komunës së Podujevës. (Salla e mbledhjeve, ora 10:00)

Grupi parlamentar i Lëvizjes Vetëvendosje mban konferencë për media në përmbyllje të sesionit pranveror parlamentar. (Ndërtesa e Kuvendit, ora 10:00)

Mbahet mbledhja e rregullt e Kuvendit të Komunës së Deçanit. (Salla e mbledhjeve, ora 10:00)

Kryetari i Komunës së Prizrenit, Shaqir Totaj merr pjesë panairin turistik “Promovimi i potencialeve turistike dhe produkteve të rajonit të Zhupës dhe Podgorës”. (Stadiumi i shkollës në fshatin Reçan, ora 10:00)

Mbahet ceremonia e hapjes së programit të Shkollës Verore, organizuar nga Drejtoria e Turizmit dhe Zhvillimit Ekonomik në Prizren, ku merr pjesë edhe kryetari Shaqir Totaj. (Hapësirat e Lidhjes së Prizrenit, ora 11:00)

Grupi Parlamentar i AAK-së organizon tryezë diskutimi me përfaqësues nga ekonomia, me bizneset e sektorit privat si punëdhënësit më të mëdhenj në vend. (Kuvendi, sallën 506, ora 11:00)   

Asociacioni i Gazetarëve të Kosovës me mbështetjen e mediave dhe organizatave të shoqërisë civile, mban protestë në shenjë revolte për pezullimin e certifikatës së biznesit të Klan Kosova nga Ministria e Industrisë, Ndërmarrësisë dhe Tregtisë. (Sheshi Zahir Pajaziti, ora 12:00)