Vazhdon procesi gjyqësor në rastin Thaçi dhe të tjerët. (Hagë, ora 09:00 - 16:30)

Agjencia Kosovare e Privatizimit (AKP), mban ceremoninë e hapjes së ofertave të shitjeve përmes Likuidimit nr. 69. Pranimi i ofertave bëhet duke filluar nga ora 10:00, ndërsa hapja e ofertave bëhet në orën 12:30. (Hotel “Grand” në Prishtinë)

Ministria e Industrisë, Ndërmarrësisë dhe Tregtisë e Republikës së Kosovës organizon ngjarjen e “Krijimi i Fondit të Inovacionit të Kosovës: Prezantimi i gjetjeve fillestare dhe hapat e ardhshëm”. (Hotel “Swiss Daimont”, Prishtinë, ora 10:00)

Inaugurohet Zyra ‘Hub Revolution Your Start Up’. (Universiteti i Biznesit dhe Teknologjisë UBT, Kosova, ora 10:00)

Mbahet mbledhja e Kuvendit Komunal të Deçanit. (Salla e Kuvendit të Komunës në Deçan, ora 10:00)

Drejtori i Agjencisë së Kosovës për Inteligjencë, Petrit Ajeti raporton në Komisionin për Mbikëqyrjen e Agjencisë së Kosovës për Inteligjencë. (Kuvendi i Kosovës, salla N204, ora 10:00)

Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportin me amendamente për Projektligjin për Gjykatën Administrative. (Kuvendi i Kosovës, salla N302, ora 10:30)

Kuvendi mban vazhdimin e seancës plenare, në rend dite janë pikat e papërfunduara nga Seanca plenare, e mbajtur më 12, 26 shtator dhe 10 tetor 2024. (Kuvendi i Kosovës, ora 11:00)

Lëvizja FOL organizon konferencë për media, me ç’rast do të prezantohen të dhënat nga monitorimi i pranimit të dhuratave nga zyrtarët e 5 institucioneve të pavarura të Kosovës gjatë periudhës janar-dhjetor 2023. (Lëvizja FOL, rruga Andrea Gropa në Prishtinë, ora 11:00)

Shoqata e Onkologeve të Kosovës, organizon një aktivitet në kuadër të muajit për ndërgjegjësimin per kancerin e gjirit, i cili organizohet ne bashkëpunim me shoqatat e pacienteve. (Sheshi "Zahir Pajaziti" në Prishtinë, ora 12:00)

PDK në Ferizaj shënon 25 vjetorin e themelimit. (Restaurant Natyral në Sojevë të Ferizajt, ora 18:00)

Lansohet monografia e ‘Riprodhimi shoqëror me punë dhe kafe: Monografi e punës dhe shoqërimit të grave fshatare para, gjatë dhe pas luftës në Kosovë’  të autorës Liridona Sijarina. (Shtëpia e Kulturës “Kinoatelie”, në Prishtinë, ora 18:00)

Në kuadër të takimeve kulturore "Pena e Dritës", që organizohen nga Sh. B. "Drita" dhe Biblioteka "Ernest Koliqi" në Prishtinë, mbahet ligjërata për At Gjergj Fishtën dhe Shtjefën Gjeçovin, nga profesoresha Evalda Paci, Akademia e Shkencave të Shqipërisë.( Biblioteka "Ernest Koliqi" në Prishtinë, ora 19:00)