Pas ikjes së Ilir Dajës, skuadra e Ballkanit iu besua Artim Pollozhanit, trajner i cili kishte qenë edhe ndihmës trajneri i Dajës. Edhe pse janë vetëm javët e para, nën drejtimin e Pollozhanit, Ballkani ka treguar seriozitet maksimal dhe ecuri pozitive duke dhënë kështu sinjale se do të jetë sërish kandidat për titullin e kampionit të Kosovës.

Pollozhani ka folur për herë të parë si trajner i Ballkanit në një intervistë për KosovaPress, ku ka pranuar se presioni mbi atë është mjaftë i madh duke ditur sukseset e arritura nga paraardhësi i tij, Ilir Daja.

Ai nuk e ka fshehur aspak objektivin e madh që Ballkani të shpallet sërish kampion i Kosovës, por ka pranuar se gara është jashtëzakonisht e vështirë.

Pengesa e radhës e Ballkanit në kampionat është Llapi, skuadër me të cilën do të ballafaqohen të dielën, ku vlerësimi i Pollozhanit për skuadrës e Tahir Batatinës është mjaftë i lartë.

Për sfidën në stadiumin “Zahir Pajaziti”, ka folur edhe portieri i Ballkani, Enea Koliqi. Ai ka thënë se në fushë do të ketë një luftë të vërtetë për fitore.

Ndërsa, mbrojtësi Bajram Jashanica ndeshjen me Llapin e ka quajtur si “sfidë të bukur”.

Ndryshe, Ballkani dhe Llapi kanë nga 13 pikë në tabelë pas shtatë ndeshjeve, ndërsa ndeshen të dielën me fillim nga ora 15:00.