Neymar është larguar nga skuadra e Ligës Pro Saudite, Al-Hilal me kontratën e tij të ndërprerë me pëlqim reciprok.

Reprezentuesi brazilian, ende futbollisti më i shtrenjtë në botë pas transferimit të tij prej 200 milionë funte në Paris St Germain në vitin 2017, iu bashkua Al-Hilal në gusht 2023.

Ai ka pësuar lëndime të ligamenteve të kryqëzuara në Arabinë Saudite dhe ka luajtur vetëm shtatë herë për Al-Hilal, përcjellë KosovaPress.

“Al Hilal Club Company dhe Neymar Jr kanë rënë dakord të ndërpresin marrëdhënien e tyre kontraktuale me pëlqim reciprok. Klubi shpreh falënderimet dhe vlerësimin e tij për Neymar për atë që ka dhënë gjatë karrierës së tij në Al-Hilal dhe i uron lojtarit suksese në karrierën e tij.”, thuhet në njoftimin e skuadrës, përcjellë KosovaPress.

Neymar ka bërë vetëm dy paraqitje për Al-Hilal këtë sezon me të fundit që erdhi si zëvendësues në nëntor.

Sulmuesi 32-vjeçar pritet të rikthehet në Santos të Brazilit, klubi ku ai filloi karrierën e tij.