Banorët e Himarës do të votojnë të dielën për zgjedhjen e kryetarit të ri të kësaj bashkie, duke i dhënë kështu fund betejës 15-mujore për të parin e Bashkisë, pas arrestimit të Fredi Belerit dhe më pas kryetarit në detyrë, Jorgo Goro.

Kandidatë për të parin e Himarës janë Vangjel Tavo nga radhët e socialistëve dhe Petro Gjikuria nga opozita, teksa të drejtë vote kanë 23 mijë e 74 qytetarë. 36 qendrat e votimit në Himarë do të hapen në orën 07:00 dhe do të mbyllen në 19:00, raporton Euronews.al

Në Himarë do të aplikohet vetëm identifikimi elektronik dhe qendrat e votimit do të jenë të monitoruara me kamera. Pas mbylljes së votimit pritet të nisë edhe numërimi i votave.