Nënshkruhet kontrata e Konsulencës për Implementim mes KRU “Prishtina” dhe KFW
Lexohet për: 2 min.
9 muaj më parë
Linku u kopjua
Kompania Rajonale e Ujësjellësit “Prishtina” ka nënshkruar sot kontratën e Konsulencës për Implementimin (Komponenta e rrjetit të ujërave të zeza dhe ujërave të reshjeve atmosferike), së bashku me përfaqësues të lartë nga Banka Gjermane për zhvillim KFW në Kosovë.
Krye shefi ekzekutiv i KRU “Prishtina”, Arsim Fetahu tha se pritet që të bëhet zgjidhja për 4 Komuna: atë të Prishtinës, Graçanicës, Fushë Kosovës dhe Obiliqit, projekt i cili do të zgjatë 5 vjet.
Ndërsa Drejtori i zyrës së KFW-së për Kosovë dhe Maqedoninë Veriore, Reme Moritz tha se ky projekt është vlerësuar që një vit e gjysmë, një vit që janë nënshkruar kontratat e financimit për të siguruar financimin rreth 50 milionë euro. Ai gjithashtu tha se 20 milionë euro janë të ngrira nga ana e Evropës, por shpreson që të zhbllokohen me zhvillime pozitive politike.
Po ashtu Zëvendës- ministri i Ekonomisë, Getoar Mjeku tha se ky projekt do të arrijë vlerën prej 200 milionë euro për pjesën e rrjetit të kanalizimit, korrektorit dhe impiantin për trajtimin e ujërave të ndotura.
Prishtina është kryeqyteti i fundit në Evropë që deri më tani nuk ka një impiant për trajtimin e ujërave të zeza.