Në SHBA u konfirmua rasti i parë me Omicron

Në SHBA u konfirmua rasti i parë me Omicron

Rasti i parë i variantit omicron të koronavirusit është konfirmuar në Shtetet e Bashkuara të Amerikës, në Kaliforni, te një person i kthyer nga Afrika e Jugut, njoftuan sot autoritetet shëndetësore amerikane.

Personi u testua pozitiv për koronavirus në Kaliforni, njoftoi Qendra për Parandalimin dhe Kontrollin e Sëmundjeve (CDC).

Personi ishte plotësisht i vaksinuar dhe shfaqi simptoma të lehta që po përmirësoheshin, shtoi deklarata.


Personi u kthye nga Afrika e Jugut më 22 nëntor dhe u testua pozitiv për virusin më 29 nëntor.

Javën e kaluar, administrata e presidentit Joe Biden vendosi kufizime për udhëtimet nga vendet në Afrikën e Jugut ku u identifikua për herë të parë dhe ku u përhap. Grupimet e rasteve të infeksionit me këtë lloj janë identifikuar gjithashtu në rreth njëzet vende të tjera në mbarë botën, raporton AP.

Anthony Fauci, eksperti kryesor amerikan për sëmundjet infektive, tha se më shumë do të dihet për këtë lloj në dy deri në katër javë, ndërsa shkencëtarët studiojnë mostrat e virusit.

Më herët, presidenti Biden u përpoq të shtypte ankthin për variantin e ri të virusit, duke deklaruar se ishte një shkak për shqetësim, por jo për panik. Biden planifikon të paraqesë nesër një strategji për luftimin e virusit gjatë dimrit.

Lexo edhe

Video

error: