Kandidati për deputet nga Partia Demokratike e Kosovës me numrin 48 Naim Ismaili ka zhvilluar takim me bashkëluftëtarët e komunës së Shtimes.
Ai në një video në Facebook ka sjellë nga afër momentet e takimit të përzemërt.
Naim Ismaili ka qenë kryetar i Shtimes nga viti 2007-2021, ish-kryetar i Asociacionit të Komunave të Kosovës, ish-kryetar i Rrjetit të Asociacioneve të Autoriteteve Lokale të Evropës Juglindore, drejtor ekzekutiv i PDK-së, profesor i Ekonomisë në Kolegjin AAB. Ai është veteran i Ushtrisë Çlirimtare të Kosovës.
Gjatë gjithë kësaj periudhe ai ka dëshmuar përkushtimin dhe përvojën e tij për t’i shërbyer qytetarëve dhe për të mbrojtur interesin publik.
Ismaili thotë se si deputet i ardhshëm i Kuvendit të Kosovës do të angazhohet për rritjen e zhvillimit ekonomik, përmirësimin e arsimit dhe avancimin e rinisë dhe mbrojtjen e të drejtave të kategorive të dala nga lufta dhe përkrahjen për secilin qytetar.
