Lajme   Biznes   Sport   Covid-19   Video   Kulturë   Magazina   Ngjarje

Mustafa thotë se asnjë kandidat s’është paraqitur në garën për kryetar të LDK-së

Mustafa thotë se asnjë kandidat s’është paraqitur në garën për kryetar të LDK-së

Ish-kryetari i Lidhjes Demokratike të Kosovës (LDK), Isa Mustafa, ka thënë se deri më tash nuk ka asnjë kandidaturë zyrtare për garën e kreut të partisë, i cili pritet të zgjidhet në Kuvendin Zgjedhor më 14 mars.

Mustafa për T7 nuk pranoi të komentojë kandidaturat e shpallura publikisht, duke thënë se do t’i presin kur të vendosen zyrtarisht.

“Nuk ka asnjë, deri më 14 mars secili ka të drejtë të dalë të sprovojë vetën nëpër degë të bisedojë, dhe të shohë si e ka përkrahjen dhe pastaj në këtë datë të dalin kandidaturat”, tha ai.


Mustafa ka shtuar se data 14 mars nuk do të shtyhet, por do të zgjidhet kryetari i ri.

Publikisht kandidaturën për të parin e kësaj partie e kanë shpallur Anton Quni dhe Melihate Tërmkolli.

Isa Mustafa ka dhënë dorëheqje pas debaklit të LDK-së në zgjedhjet e 14 shkurtit, duke marrë vetëm 13.08 për qind të votave, i cili është rezultati më i dobët zgjedhor në historinë e kësaj partie.   

Lexo edhe

Video

1 Koment

Komentet janë të mbyllura.

error: