Momenti kur Haaland e kupton se ishte zgjatur gjatë testeve mjekësore të tij te City, edhe ai ishte i shokuar – video

Momenti kur Haaland e kupton se ishte zgjatur gjatë testeve mjekësore të tij te City, edhe ai ishte i shokuar – video

Është konfirmuar se gjatësia e regjistruar e Erling Haaland në testet mjekësore në Manchester City ishte 195.2 centimetra.

Muajin e kaluar, kampioni i Premier Ligës, City, e konfirmoi nënshkrimin me Haaland, pasi klubi ra dakord të paguante klauzolën e tij të lirimit prej 73 milionë eurosh drejt skuadrës gjermane, Borussia Dortmund.

Sulmuesi 21-vjeçar, i cili ka shënuar 85 gola në 88 paraqitje që kur iu bashkua skuadrës gjermane nga RB Salzburg, ka nënshkruar një marrëveshje pesëvjeçare në “Etihad” me vlerë 24 milionë eurosh në sezon.

Pasi fluturoi për në Manchester, Haaland vizitoi Institutin e Shëndetit dhe Performancës në Manchester për testet e tij të dyta të kontrolleve të fitnesit, i cili përfshinte teste gjaku dhe një skanim DEXA.


Kontrollet rutinë përfshinin edhe regjistrimin e gjatësisë së tij dhe, siç mund ta shihni në videon e mëposhtme, 21-vjeçari ka mbetur i befasuar nga rezultatet.

“Oh uau, jam rritur… gati një centimetër!” tha Haaland.

Më pas, pas pjesës së dytë të testeve mjekësore, Haaland mori pjesë në detyrat e mediave të klubit, përpara se të nënshkruante kontratën e tij me Cityn së bashku me Txiki Begiristain, i cili është drejtor i futbollit të klubit.

Lexo edhe

Video