Mohoi masakrën e Reçakut, Todosijeviq humb mandatin në Zveçan

Komisioni Qendror i Zgjedhjeve ka marrë vendim për zëvendësimin e kandidatit të subjektit politik, Lista Serbe, Ivan Todosijeviq, i cili ishte certifikuar si asamblist i zgjedhur për Kuvendin Komunal të Zveçanit. Ai është zëvendësuar me kandidatin e radhës nga i njëjti subjekt politik Marko Stefanoviq.

Humbja e mandatit ka ndodhur për shkak se Teodosijeviq është dënuar me vendim të formës së prerë prej 2 vitesh burgim, pasi i njëjti ka mohuar masakrën e Reçakut.


Florian Dushi, nga Këshilli për çështje ligjore në KQZ, tha se në fazën e certifikimit të kandidatëve për asambletë komunale nuk kanë pranuar nga Këshilli Gjyqësor i Kosovës ndonjë informatë se Todosijeviq ka ndonjë aktgjykim të formës së prerë.

“Pas një komunikimi të ri në këtë fazë që ka ndodhur nga ana e Zyrës për Regjistrim të Partive Politike dhe Këshillit Gjyqësor kemi kuptuar që i njëjti ka qenë i dënuar me aktgjykim të formës së prerë me datën 24.06.2021, pra vetëm disa muaj para zgjedhjeve. Prandaj, si Këshill për Çështje Ligjore kemi shqyrtuar mundësitë ose hapat që duhet ndërmarrë në këto raste dhe pas diskutimeve që ne kemi pasur kemi ardhur në një përfundim sipas të cilit, mbështetur edhe në Ligjin për Zgjedhjet e Përgjithshme, kemi vendosur që të njëjtin ta zëvendësojmë me kandidatin e radhës”, tha ai.

Lexo edhe

Video

1 Koment

  • […] Mohoi masakrën e Reçakut, Todosijeviq humb mandatin në Zveçan Mohoi masakrën në Reçak, Apeli konfirmon dënimin e Todosijeviq Të mbijetuarit e masakrës së Reçakut kërkojnë drejtësi: Vrasësit të lirë e çlirimtarët po gjykohen Ambasadori i Italisë në Kosovë përkujton 22 vjetorin e masakrës së Reçakut Limaj: Reçaku vazhdon të jetë fytyra e turpit të Serbisë ​Kosnett përkujton masakrën e Reçakut: Do të angazhohemi për të siguruar drejtësi ​Hoxhaj: Masakra e Reçaku ngriti ndërgjegjen e botës, këtu tregohet se kush e ka vendin në Hagë ​Përkujtohet masakra e Reçakut, Ismajli: Institucionet qendrore e harruan 15 janarin Haradinaj: Liria ka emër, e ai është Prekazi e Reçaku Osmani e Kurti bëjnë homazhe në 22 vjetorin e masakrës në Reçak, kërkojnë vendosjen e drejtësisë Hoti në Reçak: Trupat nuk do të prehen të qetë derisa drejtësia nuk vihet në vend ​22 vjet nga masakra e Reçakut, më e dhimbshmja kundër njerëzimit […]

Komentet janë të mbyllura.