Mjekët japin detaje rreth vdekjes tragjike të 26-vjeçarit nga Gjilani

Një person nga Gjilani ka ndërruar jetë sot pasi kishte kërcyer në rrethana ende të panjohura nga kati i katërt i konvikteve në Qendrën e Studentëve në Prishtinë, e cila po shfrytëzohet si karantinë për shkak të pandemisë me koronavirus.

Sipas dëshmitarëve, 26-vjeçari ka ardhur dje nga Gjermania dhe ka refuzuar të hyjë në karantinë për shkak të problemeve shëndetësore, por kjo nuk është marrë parasysh.

Ai është dërguar në Qendrën Emergjente, ku sipas mjekëve, pacienti është pranuar pa shenja jete.


Mjeku specialist në Qendrën Emergjente, Blerim Hyseni, i cili ka bërë pranimin e tashmë të ndjerit në Emergjencë, ka thënë për KosovaPress se lëndimet e pacientit kishin qenë shumë të rënda, ndërsa për shkaktarin e vdekjes do të pritet raporti nga ekspertiza e mjekut ligjor.

“Në orën 17:30, në Qendrën emergjente është sjellë me urgjencë, pacienti një i ri 26-vjeçar, pa shenja jete. Sipas asaj që ne kemi vlerësuar, pacienti ka ndërruar jetë në vendin e ngjarjes, në bazë të lëndimeve që ka pasur lëndime të rënda, vdekjeprurëse. Në pranim ka qenë pacienti pa shenja jete, me gjakderdhje nga veshi, hunda dhe goja. Prej lëndimeve të dukshme që ne i kemi parë kanë qenë këto, mirëpo për shkaktarin definitivisht të vdekjes fjalën e ka ekspertiza e mjekut ligjor, për të cilën edhe kemi kërkuar ekspertizën”, tha Hyseni.

Lexo edhe

Video

error: