Ministri gjerman i Shëndetësisë thekson nevojën e vaksinimit të detyrueshëm

Ministri gjerman i Shëndetësisë thekson nevojën e vaksinimit të detyrueshëm

Ministri gjerman i Shëndetësisë, Karl Lauterbach ka theksuar rëndësinë e vaksinave të detyrueshme për të luftuar pandeminë e koronavirusit.

“Ne duhet të pranojmë se edhe vaksinimi i detyrueshëm nuk do të mundësojë kurrë vaksinimin e të gjithëve”, tha Lauterbach për ‘Welt’.

“Por, jam i bindur se ekziston një grup i madh personash të pavaksinuar që do të vaksinohen nëse kjo masë do të vendoset”, shtoi ai.


Lauterbach theksoi se ai shpresonte se vaksinimi i detyrueshëm do ta mbronte mjaftueshëm popullsinë në të ardhmen.

“Gjatë verës situata e pandemisë të jep përshtypjen sikur po shkon drejt përmirësimit, por variantet e reja të koronavirusit mund të na befasojnë në vjeshtë , sidomos kur shumica e popullsisë është e pavaksinuar. Sepse atëherë, gjithçka do të fillonte nga e para”, theksoi ai.

Ministri i Shëndetësisë theksoi gjithashtu domosdoshmërinë e vaksinimit të detyrueshëm kundër Covid-19, pavarësisht përhapjes së variantit Omicron, i cili thuhet se mbart një rrezik më të ulët të simptomave të rënda, por është më i transmetueshëm se llojet e tjera të virusit.

“Infeksioni Omicron nuk ju bën domosdoshmërisht imun ndaj variantit tjetër viral. Do të ishit naiv nëse do të besonit se varianti Omicron përbën fundin e pandemisë “, tha Lauterbach.

Lexo edhe

Video