Mehaj në Ditën Ndërkombëtare të Holokaustit: Përvoja jonë historike dhe e popullit izraelit bashkohen në një pikë

Mehaj në Ditën Ndërkombëtare të Holokaustit: Përvoja jonë historike dhe e popullit izraelit bashkohen në një pikë

Ministri i Mbrojtjes, Armend Mehaj në Ditën Ndërkombëtare Përkujtimore të Holokaustit thotë se përvoja e popullit kosovar dhe asaj izraelite bashkohen në një pikë.

Kjo pikë sipas Mehajt është mbijetesa përmbi përpjekjet e armiqve për shfarosje.

“Dy popuj një përvojë historike! Në kujtim dhe nderim për të gjitha e Viktimave të Holokaustit. Përvoja jonë historike dhe e popullit izraelit bashkohen në një pikë: Mbijetesa përmbi përpjekjet e armiqve tanë për të na shfarosur. Përballja jonë shekullore me shfarosjen ishte një ndër arsyet e fuqishme e solidaritetit historik me dy popujve. Ne kujtojmë dhe kurrë nuk harrojmë!#WeRemember”, ka shkruar Mehaj.

Më 27 janar, në Ditën Ndërkombëtare Përkujtimore e Holokaustit shpallur nga Asambleja e Përgjithshme e Kombeve të Bashkuara në vitin 2005, përkujtohen viktimat e Holokaustit.


Kjo datë përkon me çlirimin të kampit nazist të përqendrimit Auschwitz-Birkenau më 27 janar 1945.

Fjala “holokaust” vjen nga greqishtja e lashtë dhe do të thotë sakrificë. Para Luftës së Dytë Botërore, ky term përdorej për të përshkruar vdekjen e një grupi të madh njerëzish.

Nga viti 1945 është bërë sinonim i përndjekjes sistematike të hebrenjve evropianë dhe vrasjeve të 6 milionë prej tyre gjatë Luftës së Dytë Botërore, nga nazistët dhe aleatët e tyre nga viti 1933 deri 1945. Hebrenjtë i referohen ngjarjes me fjalën “shoah” që do të thotë “katastrofë”.

Një rol të rëndësishëm për të shpëtuar hebrenjtë, e kanë luajtur shqiptarët, të cilët në familjet e tyre kanë strehuar shumë hebre që kishin ikur nga vendet tjera, apo jetonin në Kosovë dhe Shqipëri.

Lexo edhe

Video