Më shumë se gjysma e peshkaqenëve rrezikohen të zhduken në Mesdhe
Magazina
Lexohet për: 2 min.
1 vit më parë
Linku u kopjua

Më shumë se gjysma e peshkaqenëve dhe peshqeve të llojit rays (rreze) në Mesdhe rrezikohen të zhduken si pasojë e peshkimit, krizës klimatike dhe ndotjes, sipas një studimi të Institutit Cavanilles të Universitetit të Valencia-s.

“Peshkaqenët dhe rays, të cilët luajnë një rol themelor në rregullimin e ekosistemeve detare duke qenë se ata kontrollojnë popullsinë e gjahut të tyre, janë shumë të cenueshëm ndaj aktiviteteve njerëzore për shkak të rritjes së tyre të ngadaltë, pjekurisë së vonë dhe numrit të vogël të pasardhësve”, raportoi agjencia spanjolle e lajmeve EFE, duke iu referuar raportit.

Siç u tha, rreziku i zhdukjes kërcënon funksionimin e ekosistemeve detare.

Megjithëse peshkaqenët dhe rays nuk janë në shënjestër të peshkimit në Detin Mesdhe, ata kapen rastësisht, kështu që, për të siguruar ekzistencën e tyre nevojitet një menaxhim më i mirë i popullatave të tyre.

“Të kuptuarit sesi komuniteti ndryshon me kushtet klimatike dhe mjedisore na lejon të parashikojmë më mirë ndikimet e mundshme të ndryshimeve klimatike dhe shkatërrimit të habitatit, në mënyrë që të përcaktojmë prioritetet për ruajtjen e tij”, tha autori i artikullit, David Ruiz-Garcia.

Ai shtoi se peshkaqenët janë në gjendje të përballojnë efektet e aktiviteteve njerëzore, falë riprodhimit të tyre të shpejtë dhe pjellor.

“Tani po shkojmë drejt një ekosistemi që është më pak i larmishëm, më i thjeshtë dhe më pak produktiv”, theksoi Ruiz-Garcia, duke shtuar se është thelbësore të identifikohen speciet e mbrojtura të peshkaqenëve për të siguruar mbijetesën e tyre.   /atsh

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024