Qendra Kombëtare për Menaxhim Kufitar ka njoftuar për pritjet dhe kolonat sot në hyrje-daljet e pikë-kalimeve kufitare të Kosovës.

Sipas të dhënave të orës 17:20, pritje më të gjata janë Te Dheu i Bardhë ku kolonat në hyrje janë 350 metra, me pritje që kalojnë 35 minuta. Kolona ka edhe në dalje të kësaj pike të kalimit kufitar – 300 metra me pritjet e qytetarëve deri në 30 minuta.

Në pikën e kalimit kufitar Kullë ka kolonë në hyrje 30 deri në 50 metra, me pritjet e qytetarëve nga 10 deri në 15 minuta, ndërsa në dalje nuk ka kolonë.

Në vendkalimet tjera kufitare gjendja është stabile dhe nuk ka kolona, me pritje të shkurtra nga 3 deri në 10 minuta.