Mbi 75,000 bileta të shitura për ndeshjen mes Milanit e Fiorentinas

Mbi 75,000 bileta të shitura për ndeshjen mes Milanit e Fiorentinas

Gjiganti italian AC Milan do të përballet këtë vikend në “San Siro” me skuadrën e Fiorentinas, ku do të hyjë në këtë përballje i barabartë në aspektin e ndeshjeve të zhvilluara me rivalin e tij, Interin.

Për një kohë të gjatë Interi ka pasur një ndeshje më pak të zhvilluar, të cilën do ta zhvillojë sonte si mysafirë i Bolognas dhe do të synojë fitoren me çdo kusht që ta vazhdojë ëndrrën për mbrojtje të titullit, përcjell KosovaPress.


Tani, siç raportohet nga “MilanNews.it”, tifozët e Milanit janë 100% në përkrahje të klubit, ku të gjitha biletat e ndeshjes kundër Fiorentinas janë shitur.

Spekulohet se momentalisht janë shitur mbi 75,000 bileta, vetëm që tifozët milanistë të vazhdojnë përkrahjen e klubit të tyre në garën për trofeun e “Scudettos”.

Momentalisht, kreun e tabelës së Serie A e ka skuadra e Milanit me 74 pikë të arkëtuara, dy sosh më shumë se vendi i dytë Interi, por që ky i fundit ka një ndeshje më pak të zhvilluar.

Lexo edhe

Video