Më shumë se 5.000 avionë pasagjerësh plotësisht të zbrazët kanë fluturuar drejt ose nga aeroportet britanike që nga viti 2019.
Një raport i të përditshmes londineze Guardian thotë se, sipas një analize të Autoritetit të Aviacionit Civil (CAA) të Britanisë së Madhe, që nga viti 2019, 35.000 fluturime të tjera komerciale operonin pothuajse pa pasagjerë, me më pak se 10 për qind të vendeve të mbushura, të cilat përbëjnë afër 40.000 fluturime pa ose me një numër të vogël pasagjerësh.
Për shembull, thuhet se vetëm në një çerek gjatë pandemisë së koronavirusit, 62 avionë bosh u ngritën për në Poloni nga aeroporti Luton, si dhe se 663 avionë pothuajse plotësisht bosh u ngritën nga aeroporti Heathrow për në SHBA.
Fluturimet me aeroplan shkaktojnë më shumë emetime të dyoksidit të karbonit se çdo aktivitet tjetër konsumator, prandaj udhëtimet ajrore komerciale janë në fokus të aktivistëve të klimës.
Ata i quajtën gjetjet e fluturimeve bosh “tronditëse” dhe treguan se duhet të vendoset një taksë për karburantin e avionëve dhe planet për zgjerimin e aeroportit duhet të sfidohen.
Qeveria britanike i ka përshkruar fluturimet e avionëve pa pasagjerë si “të dëmshme për mjedisin”.
