Mandl: Dialogu ka kuptim vetëm në frymën e mirëbesimit dhe kompromisit
Lexohet për: 2 min.
7 muaj më parë
Linku u kopjua
Bashkëkryesuesi i Komisionit parlamentar për stabilizim-asociim BE-Kosovë, euro-deputeti austriak, Lukas Mandl, ka bërë thirrje për heqjen masave ndëshkuese të Bashkimit Evropian ndaj Kosovës.
Ai ka kërkuar zbatimin e Marrëveshjes Bazë ndërmjet Kosovës dhe Serbisë, derisa ka shtuar se dialogu ka kuptim vetëm kur mbahet në mirëbesim dhe në frymën e kompromisit për të arritur një marrëveshje gjithëpërfshirëse.
Në takimin e 11 të komisionit parlamentar për MSA-në, që po mbahet në Kuvendin e Kosovës, ai tha se Parlamenti Evropian mbron qasjen e balancuar në dialog, duke kapërcyer ngërçin aktual.
Në anën tjetër, bashkëkryesuesja tjetër e Komisionit parlamentar për stabilizim-asociim BE – Kosovë, deputetja Mimoza Kusari-Lila, vlerësoi rolin mbështetës të Parlamentit Evropian ndaj Kosovës.
Ndërkaq, shefja e sektorit politik, ekonomik për integrim evropian, në emër të Përfaqësuesit të Lartë të Bashkimit për Punë të Jashtme dhe Politikës së Sigurisë dhe në emër të Komisionit Evropian, AnnaCarin Platon, nënvizoi nevojën e reformave në Kosovë dhe rajon për përfitimin e fondeve nga Plani i Rritjes së BE-së.
