Manchester United ka siguruar një fitore dramatike 2-1 ndaj Crystal Palace, duke vazhduar formën më të mirë në Premier League.

Ndeshja nisi keq për vendasit, pasi Maxence Lacroix shënoi që në minutën e 4-të. Gjërat u vështirësuan edhe më shumë për skuadrën e Michael Carrick kur mbrojtësi Luke Shaw u detyrua të largohej i lënduar pas vetëm 24 minutash lojë.

Pika e kthesës erdhi në pjesën e dytë përmes VAR-it, i cili akordoi penallti për United dhe ndëshkoi me karton të kuq autorin e golit të Palace, Lacroix. Bruno Fernandes barazoi shifrat nga pika e bardhë në minutën e 56-të, ndërsa vetëm dy minuta më vonë, Benjamin Šeško shënoi golin e fitores me kokë. Pavarësisht pritjeve heroike të Dean Henderson, "Djajtë e Kuq" arkëtuan tri pikë të rëndësishme që i mbajnë në zonën e lartë të tabelës.

Michael Carrick u bë menaxheri i parë i Manchester United që nga viti 1971 që fiton pesë ndeshjet e para radhazi në shtëpi në kampionat.

KosovaPress