Dioqeza e Rashkës dhe Prizrenit ka njoftuar se Manastiri në Banjskë do të jetë i mbyllur për vizitorët nga data 23 deri më 26 shtator 2024.

Sipas njoftimit ky vendim është marr për arsye sigurie dhe për të ruajtur paqen.

“Dioqeza e Rashkës dhe Prizrenit njofton opinionin se Manastiri i Shën Kryediakonit dhe i Dëshmorit të parë Stefan në Banjskë do të jetë i mbyllur për vizita të hënën, të martën, të mërkurën dhe të enjten (23-26 shtator) për arsye sigurie dhe për të ruajtur paqen, për të cilën manastiri ka shumë nevojë në këtë moment”, thuhet në njoftim.

Kujtojmë se nesër bëhet një vit nga sulmi terrorist në Banjskë ku mbeti i vrarë rreshteri i Policisë së Kosovës Afrim Bunjaku.

Derisa ditë më parë Prokuroria Speciale ka ngritur aktakuzë ndaj 45 personave lidhur me sulmin e 24 shtatorit të vitit 2023, në mesin e tyre edhe Milan Radoiçiq.