Malisheva mposht Prishtinën, dramë mes Ferizaj e Trepçës ‘89

Malisheva mposht Prishtinën, dramë mes Ferizaj e Trepçës ‘89

Kanë përfunduar të tri ndeshjet e programit të sotëm të Superligës së Kosovës, ku kemi disa rezultate tejet interesante.

Pas plot 90’ minutave lojë të zhvilluara në stadiumin “Liman Gegaj”, skuadra e Malishevës e ka mposhtur Prishtinën me rezultat të ngushtë 2:1, raporton KosovaPress.

Golat për Malishevën i shënuan Hazrollaj (minuta e 3’) dhe Bajrami (minuta e 88’), kurse golin e nderit për Prishtinën e shënoi Krasniqi në minutën e 21’ të ndeshjes.

Po ashtu, fitore sot ka regjistruar edhe skuadra e Dukagjinit, e cila e ka mposhtur si mysafire Drenicën me rezultat minimal 1:0. Golin e vetëm të ndeshjes e shënoi Altin Merlaku në minutën 20’.


Ndërkaq, dramë ka pasur në përballjen mes Ferizaj e Trepçës ’89, ku pas afro 100 minutave lojë të zhvilluara, mitrovicasit regjistrojnë fitore si mysafirë me rezultat të ngushtë 3:2.

Rezultatet finale të ndeshjeve të sotme në Superligën e Kosovës i gjeni më poshtë.

Malisheva 2:1 Prishtina

Drenica 0:1 Dukagjini

Ferizaj 2:3 Trepça ‘89

Lexo edhe

Video