Kanë përfunduar dy ndeshjet e sotme të Superligës së Kosovës, ku kemi rezultate interesante.
Pas plot 90’ minutave lojë të zhvilluara në stadiumin “Zahir Pajaziti”, Llapi e ka mposhtur me rezultat të ngushtë 2:1 Gjilanin, raporton KosovaPress.
Golat për skuadrën e Tahir Batatinës i shënuan Muhamet Hyseni (minuta e 18’) dhe Gentrit Jashari (minuta e 34’), kurse golin e nderit për Gjilanin e shënoi Qëndrim Ismajli në minutën e 90+3’ të ndeshjes.
Ndërkaq, krahas këtij takimi u zhvillua edhe përballja mes Dukagjinit dhe Fushë Kosovës.
Pas 90’ minutave të zhvilluara në stadiumin “18 Qershori” të Klinës, Dukagjini e ka mposhtur 1:0 Fushë Kosovën.
Golin e vetëm të ndeshjes e shënoi Theophilus Solomon, i cili i siguroi fitoren Dukagjinit duke shënuar në minutën e 76’ të ndeshjes.
Rezultatet finale:
Llapi 2:1 Gjilani
Dukagjini 1:0 Fushë Kosova
