Lajme   Biznes   Sport   Covid-19   Video   Kulturë   Magazina   Ngjarje

Liga e Kampionëve, Chelsea mposht Atleticon, Bayerni shkatërron Lazion

Liga e Kampionëve, Chelsea mposht Atleticon, Bayerni shkatërron Lazion

Kanë përfunduar dy ndeshjet e programit të sotëm të Ligës së Kampionëve, Atletico Madrid – Chelsea dhe Lazio – Bayern Mynich, ndeshje këto të vlefshme për fazën 1/16 të eliminimit direkt të Ligës së Kampionëve.

Gjiganti bavarez Bayern Mynich tashmë pothuajse e ka siguruar kualifikimin për në fazën tjetër të kësaj gare pasi e ka mposhtur Lazion në Itali me rezultat 4-1 më golat e Robert Lewandowskit, Lory Sanes, Musialas dhe autogolit të Acerbit, ndërsa golin e vetëm për skuadrën italiane e realizoi Joacim Correa në minutën e 49’ të ndeshjes, përcjell KosovaPress.


Në ndeshjen tjetër të zhvilluar në Bukuresht të Rumanisë ndërmjet Atletico Madridit dhe Chelseat, fitorja i takoi skuadrës londineze të drejtuar nga Thomas Tuchel me rezultat minimal 1-0.

Golin e vetëm të këtij takimi e realizoi sulmuesi francez Olivier Giroud në minutën e 68’ me një goditje gërshërë duke e lënë të shtangur portierin Oblak.

Ky rezultat i jep një përparësi të konsiderueshme Chelseat para ndeshjes kthyese në “Stamford Bridge.”

Lexo edhe

Video

1 Koment

Komentet janë të mbyllura.

error: