Vazhdimisht ka pasur spekulime se Cristiano Ronaldo po e konsideron largimin nga skuadra e Al Nassrit, por këtyre zërave tani iu vjen fundit.

Ronaldo e ka bërë të qartë që ai nuk do të largohet nga Al Nassri, pavarësisht spekulimeve që po e lidhin me një kalim te Newcastle United dhe Bayern Munich, raporton KosovaPress.

“Unë jam i lumtur këtu, unë dua të vazhdojë këtu dhe do të vazhdojë me Al Nassrin, jam optimist dhe i vendosur. Jeta në Arabinë Saudite po shkon shumë mirë dhe liga është e mirë. Lojtarët e mëdhenj janë të mirëseardhur, emra të mëdhenj ose lojtar të rinj. Nëse kjo ndodh, atëherë liga do të përmirësohet”, tha Ronaldo.

“Vitin e ardhshëm unë besoj shumë që gjërat do të ndryshojnë dhe ne do të shkojmë në rrugën më të mirë, kështu që duhet të besojmë në të dhe të punojmë për të”, shtoi më tej Ronaldo.

Ronaldo kaloi te Al Nassri pasi që e shkëputi kontratën e tij me Manchester United në nëntorin e kaluar, dhe që nga ajo kohë ka arritur të bëjë 19 paraqitje në të gjitha garat, duke regjistruar 14 gola dhe dy asistime mbi emrin e tij.