Kryeministri i Shqipërisë, Edi Rama përcolli sot artikullin e medias zvicerane “SkiActu” ku përmes Lara Colturi-it, kampiones së botës për ski, promovohet edhe Shqipëria.
“Vazhdon jehona për Kampionen e Botës 16-vjeçare që garon me ngjyrat kuqezi, si në këtë artikull të medias zvicerane “SkiActu” që përmes Larës promovon po ashtu Shqipërinë dhe ambicien tonë për t’u fokusuar në ngritjen e infrastrukturës së skive, në forcim të turizmit dimëror dhe zhvillimit të këtij sporti ku krenohemi tashmë me kampionen e parë”, shkruan Rama.
Artikulli i plotë:
Ajo është skiatorja më e re që debuton në Cirkun e Bardhë (Cirque Blanc) që nga Mikaela Shiffrin dhe rezultatet e saj janë shumë premtuese. Nëna e saj është ish-kampionia olimpike Daniela Ceccarelli. Dhe ajo po bën garon për Shqipërinë. Vetëm 16 vjeçe dhe Lara Colturi po bën që të flitet shumë për të.
Që nga fillimi i sezonit, shkurtesa “ALB” për Shqipërinë është shfaqur në listat startuese të garave të Kupës së Botës për femra. Ky vend i vogël i Ballkanit ka patur edhe më parë skiatorë në garat e meshkujve, por asnjëherë në garat e femrave. Por ardhja e Lara Colturit i ka ndryshuar gjërat. Dhe logoja e Federatës Shqiptare të Skive në xhaketën e saj nuk është e vetmja gjë që e bën atë një skiatore të pazakontë.
Verën e kaluar, ajo mori pjesë në garat e saj të para FIS në Kili dhe i fitoi qe të katra. Në Kupën AmSud (ekuivalenti i Kupës Evropiane), ajo fitoi klasifikimin e përgjithshëm me gjashtë fitore në sllallom, gjigant dhe të kombinuar. Kupa e Botës ishte hapi tjetër logjik dhe në garën e saj të tretë ajo shënoi pikë duke përfunduar e 17-ta në një gjigant në Killington në nëntor përpara se të konfirmohej me vendin e 20-të në Semmering muajin e ardhshëm.
Disa javë më parë, nëse hapja gjigante e Sölden nuk do të anulohej, ajo do të ishte skiatorja me e re pjesemarrese duke ia kaluar edhe Mikaela Shiffrin. Amerikania e nisi dy ditë para ditëlindjes së saj të 16-të, shqiptarja katër ditë më vonë… Të heqësh një paralele që këtu është vetëm një hap.
Një e ardhme e përcaktuar
“Çdo gjë që bëj, dua ta bëj mirë. Ka diçka tek unë që gjithmonë më shtyn të bëj më mirë se herën e fundit”, shpjegoi Lara Colturi gjatë një episodi të fundit të podcast-it The Next Turn. “Ajo i pëlqejnë sfidat, shton nëna e saj Daniela Ceccarelli. Dhe sa herë që ia ngremë steken, ajo e tejkalon sërish veten. Kjo është ajo që e shtyu familjen ta perfshinte kaq herët në Kupën e Botës”.
Skiatorja është mësuar tashmë me intervista. (SSW/SkiNews)
Duhet thënë se Lara Colturi praktikisht eshte rritur mes pajisjeve te skive. Daniela Ceccarelli, kampione italiane olimpike super-G në Salt Lake City në 2002 dhe bashkëshorti i saj Alessandro Colturi, i cili në atë kohë ishte skimani i saj, jetuan për dy vjet në Cirkun e Bardhë në një furgon të madh kampingu, duke marrë tashmë vajzën e tyre në etapat e ndryshme evropiane të Kupës se Botës. Çifti kishte edhe një shkollë skijimi. Lara natyrisht u stërvit me ekipin. Në të njëjtën kohë, skiatorja e re i tregoi aftesite e saj në patinazh artistik, madje duke zotëruar kërcimet e dyfishta dhe duke marrë pjesë në garat rajonale. Një avantazhvlere e papritur kur vendos t’i përkushtohet kryesisht skijimit: mrekullia ka mësuar se si të përdorë skite e saj dhe të bëjë kthesa në akull, sipas nënës së saj.
Familja në radhë të parë
Edhe sot, familja përbën bërthamën e skuadrës, me Daniela Ceccarelli-n përkrah vajzës së saj si trajnere. Një rol i dyfishtë që i lejon asaj të vëzhgojë si performancën sportive ashtu edhe mirëqenien e vajzës së saj, për t’u siguruar që ajo të ketë kohë për të studiuar, për t’u argëtuar dhe për të pushuar. Dhe që ajo të jete me këmbët në tokë, gjë që sigurisht nuk është e lehtë, sidomos kur të vijnë në derë sponsorë të mëdhenj si ai me logon e demit te kuq (Red bull).
Përveç se një skiatore e jashtëzakonshme, Lara Colturi është një adoleshente e lumtur dhe e shkujdesur, e cila qesh pothuajse sa herë që hap gojën. “Unë argëtohem si e çmendur, na tregon ajo në Semmering. Pavarësisht titujve të shumtë që e shpallin atë si Mikaela Shiffrin e re, ajo mohon të ndjejë ndonjë presion. “Jo vërtet, thjesht po argëtohem. Është si një lojë për mua!” Si ia bën të qëndrojë kaq e qetë me gjithë ata sy të kthyer nga ajo? “Une nuk e di!” thotë ajo dhe qesh më fort. Si një adoleshente tipike, ajo nuk i bën vetes shumë pyetje.
Kryesorja është që të mbetet “argëtim”, qoftë në garë apo në stërvitje. “Si trajnere është e vështirë, sepse duhet t’i paraqes çdo ditë një situatë të re që të mos mërzitet”, thotë Daniela Ceccarelli. Në çdo rast, funksionon për skiatoren e re: në Kampionatin e saj të parë Botëror për Junior në Sankt Anton dy javë më parë, Lara Colturi fitoi një medalje të artë në super-G dhe një bronzi në garen e madhe. Në tatëpjetë, ajo doli e 4-ta, 0″05 nga podiumi. E inkurajuar nga rezultatet e saj, ajo u kthye në Kupën e Botës për të përfunduar dy herë e 17-ta në garen e gjigante, në Kronplatz. E gjithë kjo pavarësisht numrit në kurriz që nuk ishte në favor te saj.
Një projekt shqiptar
Mbetet çështja e kombësisë së saj. Pse ajo bën ski nën ngjyrat e flamurit shqiptar kur në thelb nuk ka asnjë lidhje? Bashkëpunimi ekziston për dy arsye: vendi i vogël ballkanik kërkon të zhvillojë industrinë e tij të skive dhe për këtë arsye i ka ofruar asaj një pasaportë, dhe për prindërit e Lara Colturit, ky opsion i lejon ata të qëndrojnë me familjen, ndryshe nga situata kur skiatorja do të ishte në radhët e ekipit italian. Përveç kësaj, ajo mundi të garonte herët në Kupën e Botës, pa pasur nevojë të ngjiste shkallët e shumta tradicionale.
“Lara është një model për të rinjtë shqiptarë. Ajo është e motivuar, punon shumë edhe studion njëkohësisht. Jeta e një skiatori elitar është e vështirë, por ata që e duan vërtet mund të jenë të suksesshëm dhe Lara është një shembull i kësaj. Uroj që ajo të jetë Shiffrin e radhës (Mikaela)”, tha Elvis Toci, President i Federatës Shqiptare të Skive.
Lara Colturi është pjesë e një projekti më të madh që synon ta bëjë Shqipërinë, e izoluar prej shume kohësh, një destinacion të ri për skijim: për argëtim dhe për gara. Edhe pse njihet me shume për bregdetin e tij, vendi perbehet nga 70% male, me maja deri në 2700 metra dhe mbulesë të mirë dëbore, sipas Elvis Toçit. Por infrastruktura është pothuajse inekzistente dhe 40 mijë shqiptarët që bëjnë ski e bëjnë këtë kryesisht jashtë vendit. “Kemi statistika që tregojnë se 60 milionë euro dalin nga vendi në lidhje me sportin. Pra, paratë janë atje. Por duhet t’i mbajmë në Shqipëri. Dhe ne duhet të tërheqim njerëz edhe nga jashtë, përfshirë edhe nga Zvicra”, thekson ai.
Kupa Ballkanike?
Federata shqiptare aktualisht ka vetëm 12 skiatorë në radhët e saj dhe për këtë arsye synon të zhvillohet. Një ide, e cila ende duhet t’i propozohet FIS-it, do të ishte krijimi i një Kupe Ballkanike për ta bërë të njohur rajonin. Edhe pse me flamurin e Shqipërisë, Lara Colturi nuk stërvitet atje: si shumë skiatore, ajo e ndan kohën e saj mes resorteve që ofrojnë borën më të mirë dhe kushtet më të mira. Por Elvis Toci shpreson se strukturat e krijuara për ta mbështetur atë do të nxjerrin kampionë të tjerë në të ardhmen.
“Jam 100% i sigurt se së shpejti do të shohim rezultate të mira. Do të jenë rezultate për Larën fillimisht, rezultate individuale dhe njëkohësisht Shqipëria do të bëhet e njohur. Kjo është pikërisht ajo që ne po kërkojmë”, tha ai, duke parashikuar tashmë titujt botërorë dhe olimpikë për skiatoren e re.
Po për adoleshentin, çfarë objektivash? “Oh, nuk e di”, murmurit ajo para se të qeshë përsëri. “Për momentin, prioriteti im është të argëtohem dhe pastaj të shohim!” Po sikur ajo të bënte bujë në Kampionatin Botëror në Meribel?
