Skuadra e Chelseat theu rekordin e transferimeve në Britani duke siguruar shërbimet e mesfushorit Enzo Fernandez.
Fernandez i bashkohet Chelseat nga Benfica për një shifër marramendëse prej 120 milionë eurosh, raporton KosovaPress.
Ylli argjentinas ka nënshkruar kontratë tetë vjeçare me Chelsean, që do ta mbajë atë në “Stamford Bridge” deri në muajin qershor të vitit 2031.
Ndërkaq, siç bëhet e ditur nga eksperti i transferimeve, Fabrizio Romano, Enzo do ta bartë numrin pesë në fanellën e tij te Chelsea.
Po ashtu, Enzo ka përfunduar pjesën e dytë të testeve mjekësore, pas pjesës së parë të përfunduar në Portugali.
