Kuvendi miratoi planin hapësinor të Parkut Kombëtar “Bjeshkët e Nemuna”
Lajme
Lexohet për: 2 min.
10 muaj më parë
Linku u kopjua
Në seancën plenare, ku po trajtohen pikat e papërfunduara nga seancat e muajt shkurt, mars, prill dhe maj u miratua sot plani hapësinor për Parkun Kombëtar “Bjeshkët e Nemuna”. Partitë opozitare vlerësuan se në këtë plan nuk janë marrë parasysh kërkesat e banorëve të asaj ane.
Në momentin kur u hodh në votim ky plan, në sallë ishin të pranishëm 83 deputetë, derisa 65 deputetë përfshirë edhe disa të opozitës e votuan këtë plan ndërsa, ishin edhe 8 absentime.
Arsyetimin për këtë plan e dha ministri i Mjedisit, Planifikimit Hapësinor dhe Infrastrukturës, Liburn Aliu, i cili tha se me këtë plan hapësinor për Parkun Kombëtar “Bjeshkët e Nemuna” synohet mbrojtja e trashëgimisë dhe ndalimi i ndërtimeve pa leje.
Deputeti i Lëvizjes Vetëvendosje, Milazim Salijaj kërkoi votimin e planit hapësirë për “Bjeshkët e Nemuna”.
Por, shefi i Grupit Parlamentar i PDK-së, Abelard Tahiri u shpreh se për shkak të ankesave të pranuar nga banorët nuk do të marrim pjesë në votim të këtij plani.
Ndërsa, Besian Mustafa nga LDK kërkoi që fillimisht të votohet amendamenti i propozuar nga vetë ai e pastaj të hidhet në votim plani kombëtar për “Bjeshkët e Nemuna”.
E deputeti i AAK-së, Shemsedin Dreshaj teksa përmendi disa nga kërkesat e rugovasve, kërkoi që plani në fjalë të mos votohet as nga pozita dhe as nga opozita.
Lajmi i plotë është në sistemin me parapagim.
Ndryshe, plani hapësinor për parkun kombëtar “Bjeshkët e Nemuna” ka filluar qysh nga viti 2014./B.Ibishi/
