Kuvendi miratoi ligjin për KPM-në, Kusari: Ditë e errët për demokracinë, lirinë e shprehjes dhe të medias
“Sot është ditë e erret për demokracinë dhe lirinë e shprehjes dhe të medias në Kosovës”.
Kështu ka thënë juristja e së drejtës së medias, Flutura Kusari.
Reagimi i saj vjen pasi sot Kuvendi i Kosovës miratoi projektligjin për Komisionin e Pavarur të Mediave.
“VV-ja e aprovoi me 61 vota projektligjin anti-europian për Komisionin e Pavarur për Media. Sot është ditë e errët për demokracinë dhe lirinë e shprehjes dhe të medias në Kosovë”, ka shkruar Flutura Kusari në profilin e saj në rrjetin social Facebook.
Deputetët të cilët abstenuan gjatë votimit të kësaj nisme legjislative ishin deputetët e Lëvizjes Vetëvendosje Eman Rrahmani dhe Dimal Basha.
Organizatat joqeveritare nuk e kanë mbështetur Ligjin për KPM-në, meqë kanë thënë se nuk janë marrë parasysh 80 për qind e rekomandimeve të Këshillit të Evropës.
Ky projektligj, i dorëzuar më 27 dhjetor 2023, parasheh që platformat për shpërndarje të video-materialeve dhe mediat online t’i nënshtrohen regjistrimit nga KPM-ja nëse dëshirojnë të publikojnë audio e video materiale.
Ndërkaq, Kuvendi nuk arriti ta miratoj në lexim të dytë ligjin për Zyrtar Publikë dhe si i tillë është bartur për një seancë të ardhshme.
