Lajme   Biznes   Sport   Covid-19   Video   Kulturë   Magazina   Ngjarje

Kurti pranon urime Rutte: Holanda mbështet Kosovën në përpjekjet për luftim të korrupsionit dhe sundim të ligjit

Kurti pranon urime Rutte: Holanda mbështet Kosovën në përpjekjet për luftim të korrupsionit dhe sundim të ligjit

Kryeministri Albin Kurti ka pranuar letër urim nga homologu i tij holanez, Mark Rutte.

Siç thuhet në njoftimin e dërguar nga Qeveria, në letrën e tij, kryeministri Rutte e ka uruar kryeministrin Kurti për pozitën e re dhe i ka dëshiruar suksese në detyrat e rëndësishme që e presin.

 Vendet tona, sikurse edhe pjesa tjetër e Evropës, janë duke u përballur me një sfidë të papërshkrueshme siç është ajo nga COVID-19, thuhet në letër.


 Kryeministri Rutte shprehet i kënaqur që Bashkimi Evropian ka pasur mundësinë që t’i ndihmojë Kosovës nëpërmjet pakos ndihmuese për Ballkanin Perëndimor dhe mekanizmit COVAX për sigurimin e vaksinave të sigurta kundër COVID-19.

Ngjashëm i kishte dalë në ndihmë vitin e kaluar Kosovës Holanda edhe nëpërmjet donacionit bilateral për pajisje personale mbrojtëse për Qendrën e Klinikave Universitare të Kosovës.

 Kryeministri Rutte e ka siguruar kryeministrin Kurti se Holanda e mbështetë Kosovën në përpjekjet e saj për të luftuar korrupsionin dhe për të fuqizuar sundimin e ligjit.

“Ju si kryeministër e keni marrë një mandat të fortë nga populli i Kosovës, që së bashku me zhvillimin e marrëdhënieve të mira fqinjësore përbëjnë elementet kryesore të Kosovës drejt Evropës dhe integrimit evropian. Holanda është e përkushtuar ndaj rrugës së Kosovës drejt integrimit evropian, thuhet në letër urimin e kryeministrit të Holandës, Mark Rutte.

Lexo edhe

Video

error: