Kurti nuk komenton propozimin e Ramës për Asociacionin, flet për arbëreshët e Italisë

Kryeministri i Kosovës, Albin Kurti është pyetur për propozimin e kryeministrit të Shqipërisë, Edi Rama, lidur me Asociacionin e komunave me shumicë serbe, megjithatë, ai ka refuzuar të përgjigjet.

Kurti pas manifestimit me rastin e përvjetorit të Lidhjes Shqiptare të Prizrenit, është pyetur disa herë nga mediat për propozimin e Ramës.


“Lidhja është gjallë siç po e shihni dhe e fortë, e me mua është edhe një Mikelo nga Frashineto në Kalabri. Fshati Frashineto është me shqiptarë arbresh, njëri prej tyre është Mikeli, të cilin iu ftoj ta pyetni për Lidhjen Shqiptare të Prizrenit. Lidhja është gjallë, urime 10 qershori”, tha ai.

Kryeministri i Shqipërisë, Edi Rama, të enjten njoftoi se e ka dorëzuar një draft të Asociacionit të komunave me shumicë serbe, te presidenti francez Emmanuel Macron, dhe kancelari gjerman, Olaf Scholz. Për këtë dokument, ai ka thënë se i ka vënë në dijeni edhe presidentin e Këshillit Evropian dhe amerikanët.

Rama ka thënë se drafti është i punuar nga ekspertë dhe sipas tij pret që i njëjti të vlejë për të çuar në një nivel tjetër dialogun Kosovë-Serbi.

Lexo edhe

Video