Kurti në takim me Veliajn: Rritja ekonomike do të arrijë në 7.9 %

Kurti në takim me Veliajn: Rritja ekonomike do të arrijë në 7.9 %

Kryeministri i Republikës së Kosovës, Albin Kurti së bashku me ministrin e Shëndetësisë, Arben Vitia, kanë pritur në takim miqësor kryetarin e Bashkisë së Tiranës, Erion Veliaj dhe nënkryetaren e Bashkisë, Anuela Ristani.

Sipas një komunikate të Qeverisë, ata diskutuan për pandeminë dhe ecurinë e procesit të vaksinimit në të dy shtetet.

Kryebashkiaku Veliaj u interesua për efektin e pandemisë në ekonomi, duke e vlerësuar rolin dhe vullnetin e diasporës së Kosovës për t’i kontribuar zhvillimit ekonomik.


Kryeministri Kurti tha se ekonomia ka filluar të shënojë ngritje dhe sipas projeksioneve rritja ekonomike do të arrijë në 7.9 për qind të bruto produktit vendor.

Kurti shtoi se është shënuar progres edhe në eksporte dhe mbledhje të tatimeve.

“U bisedua edhe për ngjarjet kulturore që do të mbahen në kryeqytetet e të dy shteteve vitin e ardhshëm. Prishtina do të jetë nikoqire e biennales “Manifesta”, ndërsa kryeqyteti shqiptar i aktiviteteve të “Tirana, Kryeqyteti Europian i Rinisë 2022”, thuhet në komunikatë.

Kryebashkiaku Veliaj tha se këto dy ngjarje janë mundësi e mirë për promovimin e artit dhe kulturës shqiptare.

Lexo edhe

Video

error: