Kryeministri Albin Kurti ka pritur sot në takim deputetin kanadez Rob Oliphant, me të cilin diskutuan mbi thellimin e raporteve ndërmjet dy shteteve mike. Kurti në një postim në rrjetin X shprehu mirënjohjen për mbështetjen e Kanadasë. “Është kënaqësi të diskutoj për forcimin e marrëdhënieve Kosovë - Kanada me deputetin kanadez Rob Oliphant. Mirënjohës për mbështetjen e vazhdueshme të Kanadasë që nga ’99. Kosova udhëheq gjashtë vendet e Ballkanit Perëndimor në demokraci, sundim të ligjit dhe rritje ekonomike, dhe ne presim bashkëpunimin tonë në energjinë e pastër, burimet natyrore dhe IT,” shkroi Kurti.