Kryeministri Albin Kurti ka akuzuar Beogradin zyrtar se jo vetëm që po promovon gjenocid ndaj Kosovës, por edhe po i rrah e po i përndjek opozitarët serbë vetëm pse kanë vendosur kurora lulesh te varri i Blerina Jasharit, vajzës së vrarë shtatëvjeçare gjatë luftës nga forcat serbe në Kosovë.

Ai në seancën e Këshillit të Sigurimit të Kombeve të Bashkuara ka përmendur rastin e Nikola Sanduloviq, i cili është rrahur brutalisht nga BIA serbe për një gjë të tillë.

Kurti ka përmendur edhe agresionin terrorist serb më 24 shtator të vitit të kaluar në Banjska, ku mbeti vrarë heroi Afrim Bunjaku dhe u plagosën dy të tjerë. Ai tha se Policia e Kosovës me profesionalizëm kanë vepruar në Banjska për të shmangur viktima eventuale civile, të cilat po përdoreshin si mburoja të gjalla nga terroristët.

Ai theksoi se Milan Radojçiq, organizator i sulmeve të 24 shtatorit, ende nuk ka po qëndron i lirë në Serbi, edhe pavarësisht faktit se ka urdhërkërkim nga Interpoli për kapjen e tij.

Për më tepër Kurti ka folur edhe për marrëveshjet për normalizimin e marrëdhënieve ndërmjet Kosovës dhe Serbisë, duke ftuar presidentin Vuçiq ta nënshkruajë marrëveshjen në seancën e KS të OKB-së në Nju Jork.

“Përkundër ofertave të mia të përsëritura, Vuçiq ka refuzuar të nënshkruajë. Unë e ftoj të nënshkruajë këtu në këtë takim, menjëherë, duke theksuar rolin krucial të kartës së OKB-së në këtë marrëdhënie. Ky akt simbolik do të demonstronte përkushtimin e tij për marrëdhënie paqësore fqinjësore me Kosovën”, tha Kurti.

Lajmi i plotë në sistemin me parapagim.