Ekipi kosovar i xhudos e ka mbyllur garën në Grand Slam Baku të Azerbajxhanit me medaljet e Distria Krasniqit dhe Nora Gjakovës.
Në kategorinë deri në 52 kilogramë, Distria Krasniqi morri medaljen e argjendtë, kurse Nora Gjakova në kategorinë deri në 57 kilogramë u stoli me medaljen e artë, raporton KosovaPress.
Por, Kosovën në këtë garë e përfaqësuan edhe Laura Fazliu, Loriana Kuka dhe Akil Gjakova, por të cilët nuk arritën të sigurojnë medalje.
E kjo gjë nuk i ka pëlqyer aspak trajnerit, Driton Kuka.
Kuka ka reaguar në “Facebook”, duke komentuar luftërat e tre xhudistëve që u paraqitën sot në këtë garë.
“Nora e Disi mbeten medalistet e Kosovës në Grand Slam Baku!
Sot …
Loriana fitoj një ndeshje aq sa edhe Laura që ishte favorite për medalje të artë por që sot ishte shumë e dobët!
Loriana provoj por smjaftoj,Akili njejtë si Laura luftoj dobët dhe pa asnjë ide.
Dje ishte ditë e shkelqyeshme e sot e zbehtë,pritjet ishin më të mëdha sidomos prej Laures.
Të dominosh në Masters e të performosh kaq zbehtë këtu diçka nuk funksionoj sot!
Shkojmë më tutje …
Kosova shteti ynë nga Baku kthehet me medalje e ajo çka më gëzon është e arta e Nores pas shumë kohësh”, shkroi Kuka në “Facebook”.
