Kriza Rusi – Ukrainë, Borrell: Nëse negociatat dështojnë, jemi gati të përgjigjemi

Kriza Rusi – Ukrainë, Borrell: Nëse negociatat dështojnë, jemi gati të përgjigjemi

Ministri i Jashtëm i BE-së, Josep Borrell, deklaroi sot BE-ja është kryesisht e përkushtuar ndaj një qasjeje diplomatike për zgjidhjen e problemit me Rusinë, por se është gjithashtu e gatshme për një skenar të mundshëm të agresionit rus kundër Ukrainës.

Borrell njoftoi se përveç ndihmës financiare, BE po shqyrton edhe krijimin e një misioni për të mbështetur Ukrainën në fushën e stërvitjes ushtarake.

“Nëse diplomacia dështon, ne tashmë po përgatitemi t’i përgjigjemi agresionit të mundshëm rus. Do të jetë një veprim i shpejtë dhe vendimtar i unitetit, jo vetëm brenda BE-së, por edhe në skenën ndërkombëtare”, tha Borrell.

Pas mbledhjes së Këshillit të BE-së, ai përsëriti mbështetjen e pa rezervë të BE-së për Ukrainën dhe i bëri thirrje Rusisë që të analizojë në mënyrë konstruktive forumet ekzistuese ndërkombëtare në përpjekje për të gjetur një zgjidhje diplomatike për krizën aktuale të sigurisë në Evropë.


Borrell shtoi se për situatën në Evropën Lindore dhe marrëdhëniet me Rusinë, BE-ja është në koordinim të ngushtë me Shtetet e Bashkuara, NATO-n, OSBE-në dhe partnerë të tjerë ndërkombëtarë.

“Akumulimi i ushtrisë ruse në dhe rreth Ukrainës dhe përpjekjet e Rusisë për të krijuar vija ndarëse në kontinentin tonë minojnë themelet dhe parimet tona bazë mbi të cilat është ndërtuar siguria evropiane dhe e kthejnë kujtesën e errët në sferat e ndikimit që nuk i përkasin shekullit 21”, tha Borrell.

Kreu i diplomacisë së BE-së tha se BE po punon në disa pista për të ndihmuar Ukrainën të ndërtojë rezistencën e vendit ndaj sulmeve të ndryshme, duke filluar nga sulmet kibernetike dhe hibride.

Borrell tha se Komisioni Evropian doli sot me një propozim për të miratuar një paketë urgjente të ndihmës financiare për Ukrainën prej 1.2 miliard euro.

Ai kujtoi se shtetet anëtare tashmë janë të angazhuara në mision, i cili duhet të ndihmojë Kievin të mbrohet nga sulmet e ardhshme kibernetike dhe hibride, duke shtuar se është planifikuar edhe krijimi i një misioni të BE-së për të mbështetur Ukrainën në fushën e trajnimit ushtarak.

Lexo edhe

Video