Drejtoria për Hetimin e Krimeve të Luftës, në koordinim, bashkëpunim  dhe me autorizim të prokurorit të Prokurorisë Speciale të Kosovës, sot ka arrestuar T.P., i nacionalitetit serb, nën dyshimet se ka kryer krime lufte kundër popullsisë civile.

I dyshuari gjatë kohës së luftës në Kosovë, rreth muajit mars 1999, në Komunën e Istogut, ka kryer vepra të ndryshme penale duke përfshirë, plaçkitjen dhe shkatërrim të pasurisë së popullsisë civile.

Me urdhër të prokurorit të çështje, i pandehuri gjendet nën masën e arrestit dhe ndalimit policor, për t’u dërguar te gjyqtari i procedurës paraprake, brenda afatit ligjor.