Kryetari i Odës Ekonomike të Kosovës, Lulzim Rafuna, ka marrë pjesë në takimin e radhës të Bordit të Forumit Investiv të Odave (FIO) të Ballkanit Perëndimor, që po mbahet në Shkup.
Në margjina të këtyre takimeve në kryeqendrën e Maqedonisë së Veriut, delegacioni i Odës Ekonomike të Kosovës i kryesuar nga kryetari Rafuna është takuar sot pas dite me përfaqësuesit e Odës Ekonomike të Serbisë për të diskutuar për pengesat që bizneset e Kosovës, si dhe për të kërkuar zgjidhje ashtu që të eliminohen këto pengesa.“Kjo nuk ka të bëjë me marrëveshjen e Ohrit. Këto takime janë zhvilluar në kuadër të Bordit të Forumit Investiv të Odave (FIO) të Ballkanit Perëndimor, që është prej Procesit të Berlinit. Tani meqenëse unë e udhëheqi këtë mekanizëm, në takim kam ngrit barrierat me Serbinë, nga ankesat që mi kanë sjellë anëtarët. Duhet me u heq këto barriera nëse dojmë me pasur treg fer në Ballkan”, ka thënë Rafuna për KosovaPress.
Ai ka thënë se nesër do të ndan më shumë sqarime për këtë takim.Kryetari i OEK, Rafuna, në cilësinë e Kryesuesit të Bordit të Forumit Investiv të Odave të Ballkanit Perëndimor, sot gjatë ditës është pritur nga Presidenti i Republikës së Maqedonisë së Veriut, Stevo Pendarovski.