Drejtori komunal për Sport në Prishtinë Bardh Krasniqi shprehet i bindur se do të jenë të gatshëm në aspektin infrastrukturor për organizimin e Lojërave Mesdhetare 2030.

Krasniqi në një intervistë për KosovaPress thotë se tashmë po punohet me përkushtim të madh edhe në mirëmbajtjen dhe renovimin e terreneve sportive ekzistuese në kryeqytet.

Ai shton se viti 2030 do ta gjejë Prishtinën të transformuar pasi niveli qendror ka ndarë një buxhet të lartë për krijimin e infrastrukturës së nevojshme sportive për Lojërat Mesdhetare.

Sipas Krasniqit, në Bërnicë të Poshtme do të ndërtohet një fshat olimpik ku përfshihet edhe qendra multifunksionale sportive.

Dy javë më parë, Krasniqi me ekipin e tij ishin në Zvicër, ku është marrë si mostër mënyra e punës dhe specifikat e terreneve sportive që do të aplikohen në infrastrukturën e re sportive në kryeqytet.

Megjithëse nevojiten investime të mëdha e punë voluminoze, Krasniqi shprehet i bindur se gjithçka do të jetë gati për pritjen e Lojërave Mesdhetare.

Lajmi i plotë në sistemin me parapagim...