Kostilnik: Kosova e Serbia të zbatojnë marrëveshjen e Brukselit dhe aneksin e Ohrit
Lexohet për: 2 min.
6 muaj më parë
Linku u kopjua
Shefi i Zyrës Ndërlidhëse të Sllovakisë në Prishtinë, Rastislav Kostilnik, ka kërkuar sot nga Kosova dhe Serbia ta zbatojnë marrëveshjen e Brukselit dhe aneksin e Ohrit.
Ai tha se marrëveshja bazike është më e mira e mundshme që mund të negociohej për normalizimin e marrëdhënieve Kosovë-Serbi.
Duke folur për marrëdhëniet ndërmjet Kosovës dhe Sllovakisë, e cila është njëra nga pesë vendet e BE-së që ende nuk e ka njohur pavarësinë, diplomati sllovak tha se shpreson që të njëjtat të avancohen.
Këto komente ai i bëri në ekspozitën, “Arti përmes këndit të një diplomati” në përmbylljen e rrugëtimit të tij si diplomat i Zyrës Ndërlidhëse të Sllovakisë në Kosovë.
Pjesë e hapjes së kësaj ekspozite ishte edhe kryeministri Albin Kurti, i cili u shpreh falënderues ndaj diplomatit sllovak dhe theksoi nevojën e përafrimit të raporteve mes dy vendeve.
Mes tjerash, diplomati sllovak shprehu falënderimin për bashkëpunimin e deritanishëm me institucionet kosovare, ndërkaq potencoi edhe bashkëpunimin me Agjencinë e Lajmeve KosovaPress.
