Kosova korr tjetër sukses në Algjeri, Fazliu fiton medaljen e artë

Kosova korr tjetër sukses në Algjeri, Fazliu fiton medaljen e artë

Xhudistja kosovare, Laura Fazliu ka arritur të fitojë medaljen e artë në Lojërat Mesdhetare Oran 2022.

Kosova ka korrur një tjetër sukses në edicionin e 19-të të Lojërave Mesdhetare që po mbahen në Oran të Algjerisë, duke e fituar medaljen e dytë të artë përmes xhudistes Laura Fazliu.

Në kuadër të kategorisë deri në 63 kilogramë, Fazliu e mposhti në finale xhudisten spanjolle Cristina Cabana Perez, përcjell KosovaPress.


Lufta zgjati 6:16 minuta, ndërsa Fazliu e fitoi të artën me Wazaari.

Ndërkaq, deri te lufta për medalje të artë, Fazliu raundin e parë e kaloi pa luftë, kurse në çerekfinale e mposhti kroaten Iva Oberan.

Në gjysmëfinale, Fazliu mundi algjerianen, Amina Belkadi.

Lexo edhe

Video