Lajme   Biznes   Sport   Covid-19   Video   Kulturë   Magazina   Ngjarje

Kosova ende pa vaksina, Tolaj: Autoritetet nuk treguan vizion dhe largpamësi

Kosova ende pa vaksina, Tolaj: Autoritetet nuk treguan vizion dhe largpamësi

Rritja e rasteve të reja pozitive me COVID-19 në Kosovë ka ngritur shqetësimin tek autoritetet shëndetësore dhe tek qytetarët. Mjeku infeksionist, Ilir Tolaj thotë për Euronews Albania se shkak për rritjen e infektimeve janë bërë aktivitetet politike gjatë fushatës për zgjedhjet e 14 shkurtit.

Ai thotë se partitë në takim me qytetarët nuk kanë respektuar masat anti-Covid dhe kjo ka bërë që numri i infektimeve të rritet ndjeshëm.


“Në këto javët e fundit vërehet një rritje e numrit të rasteve të reja me Covid dhe kjo është pasojë e drejtpërdrejtë e atyre aktiviteteve parazgjedhore, të cilat nuk e respektuan fare masat anti-Covid. Kosova ka gjasa, që edhe këtë fazë të pandemisë ta kalojë me lehtë se vendet e rajonit”, tha ai.

Lidhur me mungesën e vaksinave, mjeku infektolog bën përgjegjëse strukturat shëndetësore dhe ato politike. Sipas tij, këto struktura janë treguar jolargpamëse sa i takon sigurimit të dozave për të nisur procesin e vaksinimit në vend.

“Autoritetet e Kosovës u treguan jolargpamëse, që të fillonin kontaktet me prodhues eventualë. Ka qenë një farë neglizhence e madhe ose mungesë vizion dhe angazhimi serioz për të siguruar vaksina edhe në rrugë të tjerë, përveç mekanizmit COVAX”, theksoi ai.

Lexo edhe

Video

1 Koment

Komentet janë të mbyllura.

error: