Policia kufitare e Kosovës mbrëmë në mesnatë ka ndaluar një kombi i tipit Mercedes në fshatin Jashanicë të komunës së Leposaviqit, i cili kishte lëvizë nga Serbia për në Republikën e Kosovës, përmes rrugëve të pa autorizuar për kalim kufiri.

Sipas Policisë, i dyshuari me të vërejtur se është diktuar nga operatorët e NJNSH-së kishte braktisë automjetin dhe ka ikur në drejtim të panjohur. Pas kontrollimit të automjetit vërtetohet se i njëjti ishte i mbushur me gjëra ushqimore dhe pije alkoolike.

“Policia e Kosovës me njësitet e saj po punon me përkushtim në menaxhimin dhe kontrollin e vijës kufitare, si dhe parandalimin e veprave penale që ndërlidhen me kontrabandën apo kalimet e paautorizuara të kufirit shtetëror.  Në lidhje me rastin janë informuar njësitet relevante dhe automjeti është dërguar në Terminalin Doganor për procedura të mëtutjeshme ligjore”, thuhet në komunikatën e Policisë.