REPUBLIKA E KOSOVËS/ REPUBLIKA KOSOVA/ REPUBLIC OF KOSOVO

KOMUNA E  GJAKOVËS

 OPSTINA DJAKOVICA/ MUNICIPALITY OF GJAKOVA

Bazuar në Ligjin Nr.04/L-174 për Planifikim Hapësinor, Udhëzimin Administrativ Nr.24/2015 mbi Elementet dhe Kërkesat Themelore për Hartimin, Zbatimin dhe Monitorimin e Hartës Zonale të Komunës, Udhëzimin Administrativ Nr.05/2014 për Përgjegjësitë e Autoriteteve të Planifikimit Hapësinor si dhe parimet dhe procedurat për Pjesëmarrjen e Publikut në Planifikim Hapësinor dhe Udhëzimin Administrativ nr.05/2013 Për Transparencën në Komunë, Vendimin nr.01Nr.011/01-1978/2023 datë 27.  01.2023 të Kuvendit Komunal në Gjakovë, Drejtoria për Urbanizëm dhe Mbrojtje të Mjedisit me datë 10.02.2023 shpall këtë:

NJOFTIM PUBLIK

MBI  SHQYRTIMIN  PUBLIK  TË  DRAFT  DOKUMENTIT TË PLANIFIKIMIT HAPËSINOR

HARTA  ZONALE  E  KOMUNËS

Njoftohen të gjithë qytetarët e Komunës së Gjakovës se që nga data 20.02.2023 ( e Hënë ) me fillim në ora 10.00, në Sallën e objektit të Komunës hapet shqyrtimi publik  i draft dokumentit të planifikimit hapësinor “ Harta Zonale e Komunës “. Kohë zgjatja e Shqyrtimit publik është 30 ditë ( kalendarike ) nga data 20.02.2023 deri më  21.03.2023. Draft dokumenti do të jetë në dispozicion të  publikut dhe për  të gjithë të interesuarit,  për shqyrtim, sugjerime  dhe komente,  çdo ditë pune prej orës 10.0- 12.0 dhe 13 h-16 h , në hapësirat e Komunës  dhe  në web faqen zyrtare të Komunës https://kk.rks-gov.net/gjakove/category/konkurset-njoftimet/njoftimet .

Me këtë dokument, keni mundësi të njoftoheni me shfrytëzimet dhe kushtet e zhvillimit për secilën zonë  sipas rekomandimeve të Planit Zhvillimor Komunal të definuar me Hartën e shfrytëzimit të planifikuar të tokës dhe planet zhvillimore sektoriale. Komentet, sugjerimet dhe vërejtjet lidhur me dokumentin mund t’i adresoni përmes postës elektronike në adresat: [email protected] ; [email protected]; [email protected]; [email protected] , përmes deponimit fizik në zyrën e arhivës apo përmes shënimit në Librin e vërejtjeve,  në afat kohor  të kohëzgjatjes së shqyrtimit  publik (nga  20.02.2023 deri më 21.03.2023 ). Çdo deponim pas datës 21.03.2023 nuk shqyrtohet.

Qëllimi i Shqyrtimit Publik i referohet: forcimit të transparencës së Organeve Komunale, promovimit të procesit të pjesëmarrjes publike në hartimin e dokumenteve të planifikimit hapësinor, promovimit të mundësive  të barabarta  të zhvillimeve  sociale, ekonomike dhe mjedisore në planifikimin hapësinor dhe, promovimin e zhvillimit të balancuar dhe të qëndrueshëm bazuar në nevojat publike dhe ekonomike.

Andaj, ftojmë të gjithë të interesuarit, që të marrin  pjesë gjatë kohës sa do të qëndrojë i hapur ky Shqyrtimit Publik në mënyrë që të paraqitni sugjerimet, propozimet dhe vërejtjet tuaja në lidhje me Draft dokumentin hapësinor.

Me respekt !