Me kualifikimin e Kombëtares së Zvicrës dhe asaj të Brazilit tani është kompletuar edhe faza e eliminatoreve të Kampionatit Botëror “Katar 2022”.
Zvicra e mposhti Serbinë me shifrat 3:2, ku shkëlqyen Granit Xhaka dhe Xherdan Shaqiri, ndërsa ky i fundit realizoi golin e parë të ndeshjes, raporton KosovaPress.
Në anën tjetër, Brazili pavarësisht humbjes së sotme 1:0 nga Kameruni u kualifikua tutje si lider i Grupit G.
Brazili dhe Zvicra gjenden në kuotën e njëjtë të pikëve (6 sosh) në grup, por që brazilianët kanë golaverazh më të mirë se “Helvetikët”.
Tani, në fazën eliminatore Brazili do të përballet me Korenë e Jugut, kurse Zvicrën e pret ndeshje e vështirë kundër Portugalisë.
Më poshtë mund të gjeni çiftet e fazës eliminatore të Kampionatit Botëror “Katar 2022”.
Holanda – Amerika
Argjentina – Australia
Anglia – Senegali
Franca – Polonia
Japonia – Kroacia
Maroku – Spanja
Brazili – Koreja e Jugut
Portugalia – Zvicra
