Kompanitë franceze të energjisë bëjnë thirrje për kursim të energjisë

Kompanitë franceze të energjisë bëjnë thirrje për kursim të energjisë

Drejtorët e kompanive të mëdha franceze të energjisë u bënë thirrje sot individëve dhe kompanive që të kufizojnë menjëherë konsumin e energjisë, në mënyrë që të përgatiten për krizën e afërt energjetike.

“Ne duhet të punojmë kolektivisht për të reduktuar shpenzimet tona, në mënyrë që të rifitojmë hapësirën për manovrim,” thanë kryeshefat ekzekutivë të Engie, EDF dhe Total në një letër të hapur të botuar nga “Journal di Dimanche”.

Letra, e nënshkruar nga Catherine McGregor nga Engie, Jean-Bernard Levy nga EDF dhe Patrick Puyana – Total Energies, flet për një rënie të mprehtë të furnizimeve me gaz rus, si dhe për prodhimin e kufizuar të energjisë elektrike për shkak të problemeve me mirëmbajtjen.

Franca synon të mbushë objektet e saj të depozitimit të gazit deri në fillim të vjeshtës, tha të enjten kryeministrja Elizabeth Born.


Objektet e depozitimit të gazit në vend janë aktualisht plot 59 për qind.

Mediat franceze raportuan në mars se qeveria ishte në bisedime me Total Energy për të rritur kapacitetin e saj për të marrë gaz natyror të lëngshëm (LNG), pasi Shtetet e Bashkuara thanë se ishin gati të rrisnin furnizimet në Evropë.

“Marrja e veprimeve këtë verë do të na mundësojë që në fillim të dimrit të ardhshëm të përgatitemi më mirë, veçanërisht për ruajtjen e rezervave tona të gazit”, thuhet në letrën e drejtuesve të kompanive energjetike.

Ata shtojnë se përpjekjet për të kufizuar shpenzimet duhet të pasojnë menjëherë dhe të jenë “kolektive dhe masive”. Ata cituan gjithashtu përpjekjet e tyre për të gjetur burime të reja gazi dhe për të ndërtuar një terminal lundrues të gazit natyror të lëngshëm (LNG) në portin e Le Havre, në veri të Francës.

Lexo edhe

Video