Komisioni për verifikimin e viktimave të dhunës seksuale e njofton Osmanin me punën e deritashme

Komisioni për verifikimin e viktimave të dhunës seksuale e njofton Osmanin me punën e deritashme

Në prag të seancës sensibilizuese të Kuvendit të Kosovës, e cila do t’i kushtohet ngritjes së vetëdijes së shoqërisë për të mbijetuarat e dhunës seksuale gjatë luftës së fundit në Kosovë, kryetarja Vjosa Osmani ka takuar Komisionin për verifikimin e viktimave të dhunës seksuale gjatë luftës në Kosovë.

Sipas njoftimit nga Kuvendi, ky Komision e ka përgëzuar kryetaren Osmani për mbajtjen e seancës sensibilizuese për këtë kategori dhe e ka njoftuar me punën e deritashme dhe me sfidat me të cilat përballet.


Anëtarë të këtij Komisioni kanë folur për ndjeshmërinë dhe vështirësitë e procesit, të shkaktuara nga mungesa e buxhetit të këtij Komisioni, sikurse edhe stigma ndaj të të mbijetuarave të dhunës seksuale.

Procesi i aplikimit, sipas Komisionit ka shënuar rënie, ndaj është kërkuar mbështetje institucionale për sensibilizim për rëndësinë që ka ky proces për shtetin e Kosovës.

Lexo edhe

Video

error: